أرشيف كلمات الترانيم المسيحية و الأناشيد الروحية على الإنترنت

ترنيمة يا إللي بتجرح قلب غيرك

ياللى بتجرح قلب غيرك من غير رحمة او احساس
هى دى وصية انجيلك انك تجرح كده فى الناس
راجع نفسك قبل كلامك واعرف معنى الكلمة ايه
قبل ما ينطق كلمة لسانك شوف من الكلمة بتقصد ايه

القرار
واعرف ان الرب يسوع حبه بيستر اى عيوب
ليه فى الشر تعيش مخدوع اعرف معنى الحب وتوب

تكنز تبنى مخازن خيرك كلمة عايز هى ردك
تسرق دايمآ حاجة غيرك وتقول حقى ده مش حقك
بكره تقدم كشف حساب قولى بس هتعمل ايه
العدل ده طبعآ عمره ما غاب ربى يسوع سهران عليه

الحق قدم توبة وتوب قبل ما تلقى مصيرك ضاع
ابكى واندم عالذنوب عيش بالروح وفى اتضاع
قبل ما بكره العمر يفوت مش هايفيد ندم وعتاب
ليه تحرم نفسك م الملكوت وهو فاتح ليك الباب

[ www.St-Takla.org ]

__________________________________________________________________________________
© كنيسة الأنبا تكلا هيمانوت الحبشي القس - الإسكندرية -مصر / URL: http://St-Takla.org / إتصل بنا على: